Hebt U zelf leuke ideeën of suggesties laat ons dit horen, neem gerust contact op met de leden van het bestuur.


Laden Evenementen

« Alle Evenementen

Remunjse Vastelaovessjlager

6 november van 18:00 tot 23:59

Comeback ‘Remunjse Vastelaovessjlager Kómpetisie’! 6 November a.s. is ‘t zowiet.

Nao jaore van aafwezigheid zal de enige echte Leedjesaovend ónger de nuje naam ‘Remunjse Vastelaovessjlager Kómpetisie’ häöre comeback gaon make. Wits se nog wie sjoon ’t waas… De ‘Remunjse Vastelaovessjlager Kómpetisie is de aaftrap van ‘t Vastelaovessezoen 2022 van D’n Uul ónger ‘t jaormotto “Vaerkrachtig veuroet!”.

Sjtadsvastelaovesvereniging D’n Uul wil Remunjs zang- en sjrieverstalent van Vastelaovesleedjes gaer ein podium beje, te beginne op 6 november door de organisasie van de ‘Remunjse Vastelaovessjlager Kómpetisie’ in ‘t Witte Kirkske. Dao zólle de deilnaemers ‘t taege mekaar opnaeme veur de eretitel ‘Remunjse Vastelaovessjlager 2022’.

Mit veur de artieste de sensasie van ein optraeje veur ein entoesjas pebliek, ‘t sjpektakel van ein divers en oetgebreid pergram veur de toesjouwers, de belaeving van gezelligheid en ‘t “weer biejein kinne zeen” veur de aanwezige. En netuurlik ouch de biebeheurende sjpanning en opwinjing van ein konkoer. Dit alles in ‘t Witte Kirkske.

De titel ‘Remunjse Vastelaovessjlager 2022’ mot verdeend waere door de 11-koppige sjurie te euvertuge des doe ‘t origeneelste leedjes höbs. Waem in de sjurie zit haje veer nog effe geheim, mér veer wille waal kwiet det de sjurie besjteit oet 3 kasteleins oet Remunj, 3 Aad Prinse van D’n Uul, 3 vaksjurieleje, 1 vertaegenwäördiger van de “11devande11de” én 1 vertaegewäördiger van de “Sjtasiefestasie”. Wooróm twee “vertaegewäördigers van…….” vreugse dich aaf…? Naeve ein sjoon geldjbedraag van €500 waert de vertolker van de ‘Remunjse Vastelaovessjlager 2022’ beloond mit ein optraeje op de ‘Sjtasiefestasie 2022’ es ouch de ‘11devande11de 2021’. De Sjeng Kraft Kompenei ruump dao gezeen de óngerlinge samewerking mit D’n Uul, gaer ruumte veur in.

Mér dao blief ‘t neet biej, want d’r waere ónger de euvergebleve deilnaemers nog twee artieste oetgekaoze die zich ouch moge opmake óm häör leedje oppe ‘Sjtasiefestasie’ op ‘t podium te prizzentere.

Klik veur meer: ‘t reglement en aanmeljing.

Sjloetingsdatum veur insjrieving is 1 november.

 

Remunjse Vastelaovessjlager – Sjtadsvastelaovesvereniging D’n Uul Remunj (dn-uul.nl)

 

Gegevens

Datum:
6 november
Tijd:
18:00 tot 23:59

Locatie

Het Witte Kerkje
Voorstad St. Jacob 72
Roermond, Limburg 6041 LN Nederland
Telefoon:
0475 - 33 04 99
Site:
www.hetwittekerkje.nl

Organisator

D’n Uul

 

Voor elke activiteit krijgt U, zoals U bent gewend weer onze info in de brievenbus.

Wij zien U graag bij ons komen om een avondje enkele leuke en gezellige uurtjes met ons door te brengen!